22 აპრილიდან – 30 აპრილის ჩათვლით თბილისის საგამოფენო ცენტრში „ექსპო ჯორჯია" ინდური პროდუქციის გამოფენა-გაყიდვა მიმდინარეობს კომპანია „ა-ენ-ემ კორპორაცია, ნიუ დელი" და ინდოეთის საელჩოს ორგანიზებით. ღონისძიების მხარდამჭერებია ეკონომიკისა და მდგრადი განვითარების სამინისტროს ეროვნული საინვესტიციო სააგენტო, საქართველოს სავაჭრო-სამრეწველო პალატა, ქართულ-ინდური სავაჭრო პალატა და დამსაქმებელთა ასოციაცია. გამოფენა საზეიმოდ გახსნა საქართველოს ეკონომიკისა და მდგრადი განვითარების მინისტრის პირველმა მოადგილემ არჩილ კეკელიამ, ეროვნული საინვესტიციო სააგენტოს დირექტორმა ქ. ბოჭორიშვილმა, ინდოეთის ელჩმა საქართველოსა და სომხეთში აჩალ კუმარ მალჰოტრამ. გამოფენას მიესალმა "ანმ კორპორაცია, ნიუ–დელის" პრეზიდენტი ანილ მეჰტა, პარტნიორი ნავილ კოჰლი, ეროვნული–სავაჭრო სამრეწველო პალატის პრეზიდენტის მოადგილე ნინო ჩიქოვანი. ინდო–ქართული სავაჭრო პალატის წარმომადგენლები. გამოფენა–გაყიდვაში ოცდაათი ინდური კომპანია მონაწილეობს. წარმოდგენილია ინდური ნაციონალური სამკაულები, ინდური ჩაი, სანელებლები, ხელნაკეთი დეკორატიული ნივთები და სუვენირები, ასევე ადგილობრივი წარმოების ნატურალური ქსოვილის ტანსაცმელი და აქსესუარები.
18 აპრილს თავისუფალ უნივერსიტეტში გაიმართა ინდოელი პოეტისა და მოაზროვნის ვალმიკი მუნის შედევრის ,,რამაიანას” ქართული თარგმანის პრეზენტაცია. წიგნი გამოიცა ინდოეთის საელჩოს დაფინანსებით. ეს უნიკალური გამოცემა სანსკრიტიდან თარგმნა თავისუფალი უნივერსიტეტის პროფესორმა, ინდოლოგმა, ქალბატონმა მერი ასათიანმა. წიგნის ილუსტრაციები ეკუთვნის რუსუდან ფეტვიაშვილს. როგორც ქ–ნმა რუსუდანმა პრეზენტაციაზე თქვა: "რამაიანა ბავშვობიდანვე წარმოადგენდა მის საყვარელ ნაწარმოებს და ჯერ კიდევ წლების წინ შეიქმნა ის ილუსტრაციები რომელიც ამჟამად რამაიანს წიგნში შევიდა. პრეზენტაციაზე უნივერსიტეტში ერთი დღით გამოფენილი იყო რუსუდან ფეტვიაშვილის 8 ნამუშევარი. ჯერჯერობით თარგმანის გაცნობა მხოლოდ „თავისუფალი უნივერსიტეტის“ ბიბლიოთეკაშია შესაძლებელი.
აქვე მინდა ორიოდ სიტყვით "რამაიანას" შესახებ გითხრათ. როგორც ვიცით ინდოელებმა ორი დიდი ეპოსი აჩუქეს მსოფლიოს – "მაჰაბჰარატა" (ამბავი დიდი ბჰარატებისა) და "რამაიანა" (რამას თავგადასავალი). ორივე მსოფლიო ლიტერატურის ოქროს ფონდშია შესული და ორივე ჩვ.წ.აღ.-მდე პერიოდს მიეკუთვნება. ინდოელთა რელიგიაში – ჰინდუიზმში, მთავარია ტრიადა –ბრაჰმა (სამყაროს შემქმნელი), შივა (ძლიერებისა და ნგრევის ღმერთი) და ვიშნუ (სიკეთისა და აღმშენებლობის ღმერთი). როდესაც ადამიანებს გაუჭირდებოდათ ან დედამიწაზე ბოროტება იმძლავრებდა, ვიშნუ ცხოველის ან ადამიანის ფორმას მიიღებდა და ადამიანთა მოდგმას ეხმარებოდა. ვიშნუს ერთ-ერთი გარდასახვაა – რამა. რამა ისევე პოპულარულია ინდოეთში, როგორც წმინდა გიორგი საქართველოში. ეპოსში რამა წარმოსადეგი ვაჟკაცია, ძლიერი, კეთილი, პატიოსანი, უებრო მშვილდოსანი და სწორუპოვარი მეომარი. იგი სამაგალითო მიჯნური და შესანიშნავი მეუღლეა, ქვეშევრდომებისთვის – საყვარელი პატრონი და მეომრებისთვის – დაუმარცხებელი წინამძღოლი. რამა აღმერთებს მშობლებს, მამის სიტყვა მისთვის კანონია. ფერი ფერსა – მადლი ღმერთსაო, რამაზე და სიტაზეა ნათქვამი. სიტა თავისი სილამაზით, კდემამოსილებით, ერთგულებითა და უდრტვინველი ხასიათით აჯადოებს გარშემომყოფთ. მეუღლე მისი სალოცავი ხატია, მისთვის იტანს უამრავ გასაჭირს და გვერდს უმშვენებს სამეფო ტახტზე. რამაიანა თაობიდან თაობებს ზეპირად გადაეცემოდა ინდოეთში და ხალხს აღაფრთოვანებდა ეპოსის სიუჟეტი. ბედნიერი სამეფო ოჯახი, შურით გამოწვეული ოჯახური ტრაგედია, უფლისწულების ფათერაკებით აღსავსე ცხოვრება, საყვარელი ცოლის დაკარგვით გამოწვეული ენით გამოუთქმელი დარდი, ცოლის დასახსნელად გადახდილი საარაკო ბრძოლები, სიკეთის (რამას სახით) გამარჯვება ბოროტებაზე და ბედნიერი დასასრული. “რამაიანა” ისევე, როგორც სხვა გენიალური ქმნილებები, გასცდა ეროვნულ ჩარჩოებს და იგი კაცობრიობის საკუთრებად იქცა.
თბილისის სახელმწიფო უნივერსიტეტში ინდოეთმცოდნეობის ცენტრი შეიქმნა. ამასთან დაკავშირებით, უნივერსიტეტში საქართველოში ინდოეთის საელჩოს კულტურულ ურთიერთობათა საბჭოსთან ურთიერთთანამშრომლობის მემორანდუმი გაფორმდა.
მემორანდუმის თანახმად, ინდოეთმცოდნეობის ცენტრი თსუ-ის ჰუმანიტარულ მეცნიერებათა ფაკულტეტზე შეიქმნება, რომელსაც 2 წლის განმავლობაში ინდოელი პროფესორი უხელმძღვანელებს.
გაზეთ "Georgia today"- ში დაიბეჭდა სტატია საქართველო–ინდოეთის კულტურული ურთიერთობის ასოციაცია "ბჰარატი"– ს მიერ გალერეა "კოპალა"–ში მოწყობილი გამოფენის შესახებ. (Issue N 551) 03.03.2011 გთავაზობთ სტატიას
“India: Imagined by Georgian children” was the theme of a recent exhibition organized by "Bharat", a Georgian–Indian cultural organization, and financially supported by the Indian Embassy to Armenia and Georgia. The event featured works by children from Tbilisi schools numbers I, 10, 43,49, 51, 53, 55 and 160, and pupils from Rustavi Public School.
The children’s pieces captured how they imagined Indian culture, life and society. Visitors to the event were astounded by the level of understanding shown by the children, as well as the attention to detail in their vibrant and lively works. The children’s passion for the ancient, colorful and mystical country was clear to everyone attending the exhibition. The event was opened with a speech by Tamar Lamparadze, Vice-President of Georgian–Indian assotiation for cultural relations "Bharat", who was followed by the Indian Ambassador to Georgia and Armenia, Mr. Achal Malhotra. Mr. Malhotra thanked the children for their interest in his country, and presented all the children that had taken part in the event with certificates. He emphasized the importance of such events for both children and Georgian-Indian relations, and promised to secure funding for similar events in the future. The event was also “attended” by Zurab Kachkachishvili, Georgia’s Ambassador to India, who made a special appearance via web cam. He talked about the closeness of Georgia and India’s relationship, and their cultural similarities. He also talked about the recent visit to Georgia by Bollywood producers interested in using Georgia as a filming location. Lamparadze also explained the educational importance of such events, told the crowd that Bharatma plans to continue holding such exhibitions and other similar events, as they encourage young Georgians to think about and explore different countries and cultures: “It’s amazing that the children have been able to explore and study India, it really shows in their very beautiful and captivating works,” she said. Bharatma as an organization has a long history. It was originally founded around 20 years ago, but was re-launched this year. “Our organization has been working closely with Absolute, the World Child Association, we dedicate this first event to the children of Georgia and India,” Lamparadze told Georgia Today. The event was held on February 24, at the Vernissage gallery (formerly Copala). By Kate Lekishvi 03.03.2011 გთავაზობთ ვიდეომასალას და გამოფენაზე წარმოდგენილ ნამუშევრებს
გამოფენა საზეიმოდ გახსნა საქართველოს ეკონომიკისა და მდგრადი განვითარების მინისტრის პირველმა მოადგილემ არჩილ კეკელიამ, ეროვნული საინვესტიციო სააგენტოს დირექტორმა ქ. ბოჭორიშვილმა, ინდოეთის ელჩმა საქართველოსა და სომხეთში აჩალ კუმარ მალჰოტრამ.
